FIA Avstraliya Grand-prisi pit-laynidagi tezlik chegarasi 80 km/soat darajasida qolishini tasdiqladi va oldin tarqalgan 60 km/soatga kamaytirilishi haqidagi ma’lumotni rad etdi.
Hafta boshida musobaqa boshqaruvchisi Tom Mottram jamoa soni 11 taga ko‘paygani va pit-layn joy yetishmovchiligi sababli tezlik vaqtincha 60 km/soatga tushirilishi mumkinligini bildirgan edi. Biroq, RacingNews365 FIANing ma’lumotlariga tayanib, bu gap noto‘g‘ri ekanini yozmoqda — limit o‘zgarmaydi.
Avval ushbu pasayish strategiyalarga ta’sir qilishi kutilgandi, chunki qo‘shimcha pit-stoplar vaqtni ko‘proq oladi. Mottram esa buni bir yilga mo‘ljallangan vaqtinchalik chora deb atagandi.
