Dana White 14 iyun kuni Oq uyda o‘tkaziladigan Ultimate Fighting Championship turniri uchun janglar ro‘yxati tez orada rasman e’lon qilinishini tasdiqladi.
Uning aytishicha, rasmiy kard 13 iyun kuni UFC 326 turniri translyatsiyasi vaqtida taqdim etiladi. Bu haqda u Las Vegasdagi matbuot anjumanida ma’lum qildi.
“Men hozir kardni ko‘rib turibman. Unda oltita jang bor. Rejamizda oltita jang o‘tkazish bor, lekin ehtimol yettinchi jang ham qo‘shilishi mumkin.
Har kuni ertalab uyg‘onsam, kimdir internetda ‘mana bu jang bo‘ladi’ degan navbatdagi ‘sizdirilgan’ xabarni yuboradi. Internetdagi odamlar Oq uy turniri uchun mumkin bo‘lgan barcha janglarni e’lon qilib yuborishmoqda. Balki ular ko‘p narsani aytsak, birortasi to‘g‘ri chiqib qoladi deb o‘ylashayotgandir,” — dedi Uayt MMA Fightingga.
Oq uyda o‘tkaziladigan ushbu turnir:
• Donald Trumpning 80 yilligi
• AQSh mustaqilligining 250 yilligi munosabati bilan tashkil etilmoqda.
