Yengil vazn toifasida uch karra titul da’vogari Dustin Poirier braziliyalik sobiq chempion Charles Oliveiraning Max Holloway ustidan qozongan g‘alabasi haqida fikr bildirdi. Ularning revansh jangi UFC 326 turniri doirasida Las Vegas (AQSh) shahrida bo‘lib o‘tdi.
“Bu to‘liq ustunlik edi. Jangdan oldin Maks ayrim vaziyatlarda qiyinchilikka duch kelishi mumkin deb o‘ylagandim, hatto ba’zi paytlar yiqilib qolishi ham mumkin edi. Ammo bunday holat 25 daqiqa davom etadi deb o‘ylamagandim.
Biz ilgari hech qachon Maks ustidan bunday ustunlikni ko‘rmaganmiz. Charlz juda ishtiyoq bilan jang qildi. U Maksni ortga chekinishga majbur qildi, uning orqasini oldi… Teykdaunlarga kelsak, bu oddiy kurash emas edi — u shunchaki uni yerga uloqtirib tashlardi. Maksning esa bu teykdaunlarga qarshi himoyasi yo‘q edi”, — dedi Dustin Poirier Paramount efirida.
