FC Barcelona bosh murabbiyi Hansi Flick Newcastle Unitedga qarshi UEFA Champions League 2025/2026 mavsumi 1/8 finali ilk uchrashuvi yakunlari haqida fikr bildirdi. O‘yin 1:1 hisobida yakunlandi.
“Biz eng yaxshi o‘yinimizni ko‘rsata olmadik: tez-tez to‘pni yo‘qotdik va yaratilgan imkoniyatlardan foydalana olmadik. Raqib tarkibida juda tezkor futbolchilar bor, ammo himoyadagi harakatlarimizdan qoniqdim. Uchrashuv juda intensiv o‘tdi.
Oldin katta tanaffus bo‘lganiga qaramay, taqvimimizda o‘yinlar juda ko‘p. Asta-sekin kuch zaxiramizni tiklab olamiz. Biz ko‘p xatolarga yo‘l qo‘ydik, ko‘p qoida buzildi va to‘pni yo‘qotdik. Endi tiklanishimiz kerak: yakshanba kuni yana o‘yin bor, dam olish va tayyorgarlik uchun vaqt yetarli. Bunday darajadagi musobaqalarda moslashish talab etiladi”, — dedi murabbiy Marca nashriga.
Ma’lum qilinishicha, FC Barcelona va Newcastle United o‘rtasidagi javob uchrashuvi 18 mart kuni Ispaniyada bo‘lib o‘tadi.
