FIA World Endurance Championship (WEC) Qatar bosqichi ko‘chirilgani sababli mavsum taqvimiga o‘zgartirish kiritdi. Bu haqda seriyaning rasmiy saytida ma’lum qilindi.
Boshlang‘ich tadbirlarning bekor qilinishiga Fors ko‘rfazi hududidagi geosiyosiy vaziyat sabab bo‘lgan. Xususan, AQSh va Isroil tomonidan Eronga raketa zarbalari berilgach, mintaqadagi vaziyat keskinlashgan. Shu sababli Lusail International Circuit “Prologue” (rasmiy mavsumoldi testlari) va mavsumni ochib berishi kerak bo‘lgan Qatar 1812 km poygasini qabul qila olmadi.
Yangi qarorga ko‘ra, “Prologue” 14 aprel kuni Autodromo Enzo e Dino Ferrari trassasida bo‘lib o‘tadi. Shuningdek, 6 Hours of Imola poygasi 19 aprelga belgilandi.
Avval bekor qilingan Qatar bosqichi esa endilikda 24 oktyabr kuni o‘tkaziladi.
