Tottenham Hotspur bosh murabbiyi Igor Tudor Liverpool FCga qarshi Premier League 30-turida bo‘lib o‘tgan safar o‘yinidagi 1:1 hisobidagi durangdan so‘ng o‘z kelajagi haqida fikr bildirdi.
Ma’lumki, ushbu uchrashuvdan oldin londonliklar Tudor qo‘l ostida ketma-ket to‘rtta mag‘lubiyatga uchragan edi.
“Murabbiylik ishini bilasiz, bu qanday kechadi. Men 15 yildan beri murabbiylik qilaman va biror marta ham kelajagim haqida o‘ylab ko‘rmaganman. Hatto bir lahzaga ham. Men hech qachon keyin nima bo‘lishi haqida o‘ylamayman va ortga ham qaramayman. Mening fikrim faqat ertangi mashg‘ulot va futbolchilarga qanday yordam berish haqida. Men hech narsa o‘qimayman, hech narsa ko‘rmayman.
Kelajak — bu faqat tasavvur mahsuli, u aslida mavjud emas. Faqat bugungi kun, ertangi kun va har kuni mashg‘ulotlarda qilinadigan mehnat bor”, — dedi Igor Tudor o‘yindan keyingi matbuot anjumanida.
