Rossiyalik iste’dodli basketbolchi Yegor Dyomin o‘zining NBA’dagi ilk mavsumiga jiddiy tayyorgarlik ko‘rmoqda. Ko‘pchilikni esa bitta savol qiziqtiradi — u “Bruklin Nets” tarkibida qanday rolni bajaradi?
🔹 Asosiy pas beruvchi bo‘lishi mumkin (25% ehtimol bilan)
“Bruklin” jamoasi bu yilgi draft orqali uch nafar potentsial pas beruvchi o‘yinchini tarkibga qo‘shdi. Ammo Dyomin ular orasida eng yuqori tanlov sifatida tanlangan va bu unga eng katta imkoniyatlarni beradi.
Shu bilan birga, yozgi transfer davrida “Nets” jamoasiga 22 yoshli Kobi Bafkin ham qo‘shildi — u 2023-yilda “Atlanta” tomonidan birinchi raundda tanlangan edi.
🔹 Dyomin – ko‘p qirrali o‘yinchi
Yegorning bo‘yi 206 sm, bu esa unga faqat pas beruvchi emas, balki forvard sifatida ham o‘ynash imkonini beradi. Ayniqsa, u NBA yozgi ligasida ko‘rsatgan uch ochkolik natijalari bunga asos bo‘ladi — u 43,5% aniqlik bilan, o‘rtacha 7,7 marotaba tashlash orqali yuqori darajadagi snayperligini namoyish etdi.
Demak, Dyomin ikkinchi plandagi rolni bajarib, lekin shu bilan birga samarali hujumchi sifatida ko‘p ochko to‘plash imkoniga ega bo‘lishi mumkin.
Ba’zi yosh tarkib variantlarida Nolan Traore yoki Ben Saraf pas beruvchi rolida harakat qilishi, Dyomin esa forvard sifatida maydonga tushishi ehtimoldan xoli emas.
🔹 Asosiy roli — jamoaning “miya markazi”
Shunga qaramay, mutaxassislar fikricha, Yegor Dyomin “Bruklin”ning asosiy pas beruvchisi sifatida harakat qiladi. Bu — 19 yoshli basketbolchining eng kuchli jihati.
U Las-Vegasda o‘zining uch ochkolik zarbasi ustida ishlagan, ammo kollej davrida u o‘rtacha 5,5 golli pas berib, hujumni boshqarish qobiliyatini isbotlagan edi. Shunday ekan, Dyomin “Nets” safida ham pick-and-roll tizimida ijodkor o‘yin tashkilotchisi sifatida maydonga tushishi kutilmoqda.
