Xorvatiyalik tennischi Marin Chilich (ATP reytingida 70-o‘rin) Gonkongda o‘tayotgan ATP-250 toifasidagi turnirning ikkinchi bosqichiga yo‘l oldi. U birinchi davrada Fransiya vakili Adrian Mannarinoni (jahon reytingida 68-o‘rin) mag‘lub etdi.
Uchrashuv 1 soat 24 daqiqa davom etdi va Chilichning 6:3, 6:2 hisobidagi ishonchli g‘alabasi bilan yakunlandi.
Turnirning ikkinchi bosqichida Marin Chilich Portugaliya vakili Nunu Borjesh (ATP reytingida 45-o‘rin)ga qarshi kortga chiqadi.
