UFC jangchisi Bo Nikal hisobicha, Hamzat Chimaevning keyingi raqibi sifatida Nassurdin Imavov eng munosib nomzod.
“O‘rta vazn kamari uchun nomzod? Imavov. Agar Renye De Ridder oxirgi jangini yutganida, men uni aytardim. Ammo hozir Imavovga e’tibor qaratish kerak”, — dedi Nikal.
Ma’lumot o‘rnida, Renye de Ridder 2025-yil oktabr oyida Brendan Allenga mag‘lub bo‘lgan, shuning uchun u hozir kamarga da’vo qila olmaydi. Shu bois, ekspertlar va muxlislar fikricha, Imavov Chimaev bilan jang qilishga eng mantiqiy nomzod.
Shuningdek, jangchi Arman Tsarukyan sevimli faol UFC jangchilarini sanab, ularning orasida Jan, Chimaev va Mahachevni ajratib ko‘rsatgan, bu esa o‘rta vazn divizionida keyingi janglarning qiziqarli bo‘lishini bildiradi.
