UFC yengil vazn toifasida (70 kg gacha) reyting yetakchisi Arman Tsarukyan janglar oralig‘ida grepling bo‘yicha chiqishlari haqida fikr bildirdi.
“Hamma mendan qo‘rqadi, yashirinib yuribdi. Shuning uchun men sayohat qilishda davom etaman va qo‘shimcha ‘kvestlar’ orqali pul ishlayman”, — deb yozdi Tsarukyan ijtimoiy tarmoqlarda.
Arman Tsarukyan 29 yoshda. U 2016 yilda professional MMA jangchisi sifatida debyut qilgan, 2019 yildan buyon UFC’da ishtirok etib kelmoqda. Uning so‘nggi jangi **noyabr oyida Doha (Qatar)**da bo‘lib o‘tgan UFC Fight Night 264 turnirida kechdi. Unda Tsarukyan avstraliyalik Den Hukerni bo‘g‘ish usuli bilan mag‘lub etdi.
Avvalroq Tsarukyan Hamzat Chimayevning UFC yarim og‘ir vazniga o‘tishi mumkinligi haqidagi fikriga ham munosabat bildirgan edi.
