Angliya terma jamoasining sobiq murabbiyi Garet Sautgeyt menejer va bosh murabbiy tushunchalari o‘rtasidagi katta farq haqida fikr bildirdi.
Uning aytishicha, menejer obro‘sining pasayishi yillar davomida sodir bo‘lgan va bu jarayon futbol, texnik hamda sport direktorlarining paydo bo‘lishi bilan tezlashgan. Endilikda ular uzoq muddatli strategiya uchun javob beradi va ko‘pincha bosh murabbiydan yuqori turadi.
Sautgeyt bu evolyutsiyaga qarshi emasligini ta’kidlab, bosh murabbiyda kontraktlar, skautlik tarmoqlari va murakkab tahliliy tizimlarni boshqarish uchun vaqt va bilim yetishmasligini aytdi. Biroq, mas’uliyat kamaygani sari, murabbiy zimmasiga keng shtab, kuchli media bosimi va tijoriy majburiyatlar yuklanmoqda.
«Bu shunchaki nom emas. Menga Angliya terma jamoasida “bosh murabbiy” lavozimi taklif qilinganda, men uni “menejer” deb o‘zgartirishni talab qilganman», — deydi Sautgeyt.
U LinkedIn profilida o‘zini “Yetakchi — menejer — murabbiy” deb atashini va bu ongli tanlov ekanini aytadi:
• Yetakchi — jamoa madaniyati va qarashlarini shakllantiradi;
• Menejer — odamlar va manfaatlarni boshqaradi;
• Murabbiy — maydondagi o‘yin, taktika va futbolchilar rivoji bilan shug‘ullanadi.
Sautgeyt fikricha, zamonaviy futbolda aynan shu uch rolni birlashtira olgan menejerlar muvaffaqiyatga erishadi, chunki futbolchilar — shunchaki doskadagi figuralar emas, balki insonlardir.
