«Liverpul»ning sobiq bosh murabbiyi Yurgen Klopp yaqin orada murabbiylik faoliyatiga qaytish niyati yo‘qligini ma’lum qildi. Uning aytishicha, futbol jamoasini boshqara olishi bu ishni umrining oxirigacha davom ettirishi shart degani emas.
Klopp Red Bull kompaniyasida o‘zi uchun yangi va qulay rol topganini, bu lavozim bosqichma-bosqich shakllanganini ta’kidladi. Hozirgi holatidan to‘liq mamnun ekanini, yangi odamlar bilan tanishgani, ko‘plab biznes uchrashuvlarda qatnashgani va o‘zi uchun yangi tajribalar orttirganini aytdi. Uning so‘zlariga ko‘ra, bir yil ichida besh yillik tajribaga teng bilim olgan.
Hozirda Yurgen Klopp Red Bull tizimida futbol yo‘nalishi bo‘yicha global rahbar lavozimida faoliyat yuritmoqda.
