41 yoshli britaniyalik poygachi, Formula-1 ning yetti karra chempioni va «Ferrari» jamoasi a’zosi Lyuis Hemilton Kino san’ati va fanlari akademiyasining «Formula-1» filmini «Oskar»-2026 mukofotiga nomzodlar qatoriga kiritish qaroriga munosabat bildirdi. Hemilton ushbu filmda maslahatchi prodyuser sifatida ishtirok etgan.
«Bu aql bovar qilmas darajada syurreal holat. “Formula-1” filmini Akademiya tomonidan nomzod sifatida ko‘rilishini ko‘rish men uchun katta sharaf, ayniqsa bunday iste’dodli ijodkorlar va hikoyachilar qatorida. Biz bu filmni yaratganimizda, qo‘limizda haqiqatan ham o‘ziga xos, real va samimiy loyiha borligini his qilgandik. Har bir insonning mashaqqatli mehnati va fidoyiligi e’tirof etilayotganini ko‘rish juda quvonarli. Film ustida ishlagan barchaga alohida hurmat — bu to‘liq munosib!» — deb yozdi Hemilton ijtimoiy tarmoqlarda.
