Formula 1 matbuot xizmati ma’lum qilganidek, Damson Idris, Bradd Pitt bilan birga suratga tushgan “Formula 1” filmidagi asosiy rollardan birini ijro etgan, endi chempionatning global brend elchisi bo‘ladi.
“Damson Idrisni rasmiy ravishda Formula-1 oilasida qarshi olishdan xursandmiz. Uning filmdagi asosiy roli kinoteatrlarda rekord o‘rnatdi va sportimizga yangi tomoshabinlarni jalb qilishga yordam berdi. Endi u brendning rasmiy global elchisi sifatida bizga qo‘shiladi. Formula-1’da biz sportga samimiy qiziqishni qadrlaymiz — Damson haqiqatan ham unga qiziqadi va rivojlanish bo‘yicha bizning qarashlarimizni bo‘lishadi. Uning keng platformasi va ta’siri orqali biz tomoshabinlarni jalb qilishning yangi yo‘llarini izlaymiz”, — dedi Stefano Domenicali, Formula-1 bosh direktori.
Idris o‘z navbatida ishtirok uning uchun muhimligini ta’kidladi:
“Meni har doim madaniyat, natija va aniqlik kesishadigan sohalar qiziqtirgan. Formula-1 aynan shu kesishmada joylashgan. Suratga tushishdan oldin men bu sportni hurmat qilardim, ammo unga yaqinlashib, innovatsiyalar, hissiyotlar va intensivlik darajasini, shuningdek, haydovchilar qanchalik yuqori darajada ishlashini chinakam his qildim”.
