Sobiq Formula-1 piloti, germaniyalik Mik Shumaxer AQSHning Sent-Pitersberg shahrida o‘tgan IndyCar’dagi debyut poygasida trassani tark etishga majbur bo‘lgani haqida fikr bildirdi.
«Oldimdagi mashinalar tartibsiz harakatlanayotganini ko‘rdim va o‘yladim: “Yaxshi, eng to‘g‘ri trayektoriyani tanlayman”. Bu holatda tashqi tomonni tanladim. Ikkinchi va uchinchi burilishlardan o‘tdik, ammo sodir bo‘lgan voqea faqat vaqt masalasi edi.
Birorta ham aylana yakunlay olmaganimiz juda ranjitadi. Bizga aynan shu poyga o‘z darajamizni baholash va keyingi startga shubhasiz tayyorlanish uchun kerak edi. Oldinda yana 17 ta poyga bor. Bu — faqat boshlanish», — dedi Shumaxer Motorsport-Total nashriga.
