International Boxing Federation (ИБФ) биринчи оғир вазн тоифаси чемпиони Жаи Опетаиа ва Брандон Глантон ўртасидаги жангни санксиялашдан бош тортди. Ушбу баҳсда янги ташкил этилган Зуффа Бохинг камарининг ҳам ўйналиши режалаштирилганди.
IBF баёнотига кўра, ташкилот Зуффа камарининг мақоми бўйича чалғитилган. Аввал у фақат “трофей ёки эътироф белгиси” сифатида тақдим этилган, бироқ матбуот анжуманида Опетая жангни бирлаштирувчи баҳс деб атаган.
Агар Опетая барибир ушбу жангни ўтказса, у IBF камаридан маҳрум қилинади. Бу унинг фаолиятида иккинчи бор содир бўлиши мумкин. Аввал 2023 йилда у мажбурий даъвогар Маирис Бриэдис ўрнига Эллис Зорро билан жанг қилгани учун камаридан айрилганди.
