UFC prezidenti Dana White Islam Makhachev va Ilia Topuria o‘rtasidagi ehtimoliy jang Oq uyda o‘tkaziladigan turnir uchun rejalashtirilgani haqidagi mish-mishlarga izoh berdi.
— Dastlab Oq uy turnirida Topuriya va Maxachevni to‘qnash keltirish rejasi bo‘lganmi?
“Bu yolg‘on. Xuddi Justin Gaethje ham boshida kardda bo‘lgan degan gaplar kabi. Maxachev — Topuriya jangi hech qachon rejalashtirilmagan. Qaysi janglar tashkil qilinayotgani haqida xavotir olmang — biz faqat rasman kelishilgan va o‘tkaziladigan janglarni e’lon qilamiz. Men sizlarga ba’zi g‘alati vaziyatlar bo‘lganini aytgandim”, — dedi Dana White.
Uning so‘zlariga ko‘ra, bu jangning kardga kiritilmasligiga kutilmagan holat sabab bo‘lgan. O‘sha kuni Power Slap turnirida bir jang bekor qilingan va tashkilotchilar — Mick Maynard, Hunter Campbell hamda Sean Shelby — tonggi soat 9 gacha ofisda qolib ishlashga majbur bo‘lgan.
Natijada turnir kardida Justin Gaethje paydo bo‘lgan. Ilia Topuria ham dastlab bu turnirda qatnashishi rejalashtirilmagan va keyinchalik unga alohida qo‘ng‘iroq qilinib, taklif berilgan.
