FC Барcелона бош мураббийи Ҳанси Флиcк Newcastle Унитедга қарши UEFA Champions League 2025/2026 мавсуми 1/8 финали илк учрашуви якунлари ҳақида фикр билдирди. Ўйин 1:1 ҳисобида якунланди.
“Биз энг яхши ўйинимизни кўрсата олмадик: тез-тез тўпни йўқотдик ва яратилган имкониятлардан фойдалана олмадик. Рақиб таркибида жуда тезкор футболчилар бор, аммо ҳимоядаги ҳаракатларимиздан қониқдим. Учрашув жуда интенсив ўтди.
Олдин катта танаффус бўлганига қарамай, тақвимимизда ўйинлар жуда кўп. Аста-секин куч захирамизни тиклаб оламиз. Биз кўп хатоларга йўл қўйдик, кўп қоида бузилди ва тўпни йўқотдик. Энди тикланишимиз керак: якшанба куни яна ўйин бор, дам олиш ва тайёргарлик учун вақт етарли. Бундай даражадаги мусобақаларда мослашиш талаб этилади”, — деди мураббий Marca нашрига.
Маълум қилинишича, FC Barcelona ва Newcastle United ўртасидаги жавоб учрашуви 18 март куни Испанияда бўлиб ўтади.
