Alvaro Arbeloa boshqaruvidagi Real Madrid jamoasi Manchester Cityga qarshi UEFA Champions League 2025/2026 mavsumi 1/8 final bosqichi ilk uchrashuvida 3:0 hisobida g‘alaba qozondi. Madrid klubi bosh murabbiyi uchrashuvdan so‘ng o‘yinni izohladi.
Arbeloaning ta’kidlashicha, natija jamoa kutganidan ham yaxshiroq bo‘lgan.
“Natija biz kutganimizdan ham yaxshi chiqdi. «Bernabeu»da futbolchilar o‘yindan zavq olishganidan xursandman — ular so‘nggi sinovlardan keyin shunday oqshomga loyiq edi. Tashqaridan jamoamiz kuchiga shubha qilayotganlar bo‘ldi, ammo biz — «Real», bizni hech qachon past baholab bo‘lmaydi.
Biz «Siti»ning o‘yin uslubini va Pep Guardiola taktikasini juda yaxshi bilamiz. U nimaga intilayotganini tushunamiz. Shuning uchun ularga maydonda erkin hudud qoldirmadik, asosiy uzatma yo‘llarini yopdik.
Raqib odatda sizni oldinga chiqishga majbur qiladi, keyin esa qarshi hujum qiladi. Ammo biz sabr bilan o‘ynab, ularning himoya ortidagi bo‘shliqlarga hujum qildik va xavfli vaziyatlar yaratdik,” — dedi Arbeloa.
Murabbiy shuningdek, Federico Valverde o‘yinini alohida ta’kidlab, uni afsonaviy Juanitoga qiyosladi.
