UFC prezidenti Dana White o‘rta vazn chempionligi uchun bo‘ladigan Khamzat Chimaev va Sean Strickland o‘rtasidagi jang haqida fikr bildirdi.
Ushbu titul jangi 9-may kuni AQShning New Jersey shtatida bo‘lib o‘tadigan UFC 328 turnirining asosiy jangi bo‘ladi.
“Asosiy jang — odamlar uzoq kutgan to‘qnashuv. Strickland so‘nggi jangida juda yaxshi ko‘rindi. Qiziq, Chimaev uchun nechta qo‘riqchi kerak bo‘ladi?” — dedi Uayt UFCga bergan intervyusida.
31 yoshli Chimaev 2020-yilda UFCda debyut qilgan. Chechenistonlik jangchi 2025-yilda o‘rta vazn toifasida chempionlik kamarini qo‘lga kiritgan.
Hozirga qadar u UFC’da 9 ta jang o‘tkazib, barchasida g‘alaba qozongan.
