Turinning Juventus klubi bosh murabbiyi Luciano Spalletti jamoa bilan shartnomasini uzaytirishga yaqin turibdi. Bu haqda taniqli insayder Nicolò Schira xabar berdi.
Manba ma’lumotiga ko‘ra, tomonlar kelishuvning asosiy bandlari bo‘yicha allaqachon kelishib olishgan. Hozirda esa shartnomaning so‘nggi tafsilotlari muhokama qilinmoqda. “Yuventus” rahbariyati Spalletti bilan yangi shartnoma masalasini mart oyidagi milliy terma jamoalar o‘yinlari uchun tanaffus vaqtida yakunlashni rejalashtirmoqda.
Luciano Spalletti “Yuventus”ni o‘tgan kuzda boshqara boshlagan edi. Uning qo‘l ostida turinliklar 28 ta uchrashuv o‘tkazib, 15 ta g‘alaba qozondi, 6 marta mag‘lub bo‘ldi va 7 o‘yinda durang qayd etdi.
