FIA World Endurance Championship (WЕC) Қатар босқичи кўчирилгани сабабли мавсум тақвимига ўзгартириш киритди. Бу ҳақда сериянинг расмий сайтида маълум қилинди.
Бошланғич тадбирларнинг бекор қилинишига Форс кўрфази ҳудудидаги геосиёсий вазият сабаб бўлган. Хусусан, АҚШ ва Исроил томонидан Эронга ракета зарбалари берилгач, минтақадаги вазият кескинлашган. Шу сабабли Lusail International Circuit “Prologue” (расмий мавсумолди тестлари) ва мавсумни очиб бериши керак бўлган Қатар 1812 км пойгасини қабул қила олмади.
Янги қарорга кўра, “Prologue” 14 апрель куни Autodromo Enzo e Dino Ferrari трассасида бўлиб ўтади. Шунингдек, 6 Hours of Imola пойгаси 19 апрелга белгиланди.
Аввал бекор қилинган Қатар босқичи эса эндиликда 24 октябрь куни ўтказилади.
