FC Barcelona klubi rasmiy sayti orqali prezidentlik saylovi bo‘yicha ovoz berish natijalarini e’lon qildi.
Saylov yakunlariga ko‘ra, amaldagi prezident Joan Laporta g‘alaba qozondi. U 68,18% ovoz to‘plab, 32 934 nafar saylovchi tomonidan qo‘llab-quvvatlandi.
Laportaning asosiy raqibi Víctor Font esa 29,78% ovoz bilan ikkinchi o‘rinni egalladi. Unga 14 385 kishi ovoz bergan. Shuningdek, 984 ta (2,04%) byulleten bo‘sh holda topshirilgan.
Shu tariqa, Joan Laporta klub prezidenti lavozimiga uchinchi bor saylandi. U avval 2003–2010 yillarda, keyin esa 2021–2026 yillarda klubni boshqargan.
Ma’lumotlarga ko‘ra, Laporta 1-iyuldan boshlab yangi muddatini boshlaydi va 2031-yilgacha kataloniyaliklar klubiga rahbarlik qiladi.
