“Реал Мадрид”нинг собиқ бош мураббийи, шунингдек, франциялик собиқ футболчи Зинедин Зидан барча замонларнинг энг буюк футболчиси дея қайси ўйинчини тан олишини айтди. Бу ҳақда мутахассис ESPN нашрига берган интервьюсида маълум қилди.
“Агар барча замонларнинг энг буюк ўйинчисини танлаш керак бўлса, мен бразилиялик Роналдони танлар эдим. Унинг майдондаги ҳаракатлари ажойиб эди. У рақибига: “Ҳозир финт қиламан” дер ва шундай қиларди” деди Зидан суҳбат давомида.
Футболчилик фаолияти давомида Роналдо “Крузейро”, ПСВ, “Барселона”, “Интер”, “Реал Мадрид”, “Милан” ва “Коринтианс” каби клубларда тўп тепган. У энг кўп ўйинни “қироллик клуби” сафида ўтказган – 177 та. Бу ўйинларда Роналдо 104 та гол урган. Бразилия терма жамоаси сафида собиқ ҳужумчи 99 та учрашувда майдонга тушиб, 62 та гол урган ва 32 та голли узатма берган.
