Россиялик шахмат устаси Андрей Эсипенко Жаҳон Кубогида учинчи ўринни эгаллади ва номзодлар турнирига йўлланма олди
У ҳамюртимиз Нодирбек Якуббоэв билан ўйин олдидан ҳолати яхши бўлмагани ҳақида гапирди.
“Ростини айтсам, ҳал қилувчи учрашув олдидан ҳолим жуда ёмон эди. Кейин секундантим билан ресторанга чиқиб овқатландик, мен бироз пиво ичдим — ва ҳолатим анча яхшиланди. Кечқурун “Арсенал” — “Тоттенҳем” ўйинини кўрдим ва мен мухлислик қиладиган жамоа ғалаба қилди. Бу кайфиятимни яхшигина кўтарди”, — деди Эсипенко.
Эслатиб ўтамиз, Эсипенко 3-ўрин учун баҳсда Якуббоэвни 2:0 ҳисобида мағлуб этди. Ҳамюртимиз эса мусобақани 4-ўринда якунлади.
