Chexiyalik tennischi, dunyoning 19-raketkasi Yakub Menşik United Cup musobaqasining guruh bosqichida kuchli raqib — Norvegiyaning 12-raketkasi Kasper Ruudni mag‘lub etdi. Uchrashuv 7:5, 7:6 (8:6) hisobida yakunlandi.
Bahs 2 soat 8 daqiqa davom etdi va yuqori saviyada, keskin kurash ostida o‘tdi. O‘yin davomida Menşik juda samarali xizmat qildi: u 16 ta eys qayd etdi, atigi 3 ta qo‘sh xatoga yo‘l qo‘ydi hamda 6 ta breyk-poyntdan 3 tasini amalga oshirdi.
United Cup — milliy terma jamoalar o‘rtasidagi musobaqa bo‘lib, unda 18 ta davlat ishtirok etmoqda. Jamoalar 6 ta guruhga bo‘lingan. Chexiya va Norvegiya D guruhida harakat qilmoqda, ushbu guruhda Avstraliya terma jamoasi ham bor.
