«Ауди» раҳбари Маттиа Бинотто завод жамоасининг Формула-1даги мақсадларини очиб берди. Унинг сўзларига кўра, жамоанинг асосий мақсади – 2030 йилда чемпионлик учун курашиш ва паддокдаги намуна жамоа бўлиш.
Бинотто жамоа яратиш вақт талаб қиладиган жараён эканини таъкидлади: инсонлар, жараёнлар, методологиялар, майдон ва ишлаб чиқариш – буларнинг барчаси муҳим. У Ферраридаги тажрибасини мисол қилиб келтириб, Жан Тодт 1993 йилда жамоага қўшилиб, биринчи чемпионликни 1999 йилда қўлга киритганини эслатди.
«Ауди» ҳам дарҳол ғалаба қозона олмайди, бунинг учун ўз йўлини белгилаб, бир неча мавсум ишлаши керак», — деди Бинотто RacingNews365 га берган интервьюсида.
