“Алпин”нинг собиқ ижрочи директори Марcин Будковски Оскар Пиастрининг келажакда “Макларен”ни тарк этиши мумкинлиги ҳақида фикр билдирди. Унинг айтишича, ҳозирча бундай қарор қабул қилиш эрта, аммо 2026 йил Пиастри учун ҳал қилувчи бўлиши мумкин.
Marcin Будковски Пиастрининг жамоа ичидаги ҳолати Ландо Норрисга нисбатан унчалик қулай эмаслигини таъкидлади. Шунга қарамай, у ҳозирча икки карра чемпион бўлган ва “Mercedes” двигателидан фойдаланаётган жамоани тарк этиш мантиқан тўғри эмаслигини айтди.
Будковски фикрича, ҳаммаси 2026 йилги мавсумга боғлиқ бўлади. Агар “Макларен” рақобатбардош бўлмаса ёки жамоа ичида Пиастри ва Норрис ўртасидаги кураш кучайса, у ҳолда Оскар бошқа вариантларни кўриб чиқиши мумкин.
