UFC собиқ чемпиони Конор Макгрегор 2025 йил декабрида Ватиканда бўлиб ўтган тўйи суратларини эълон қилди ва бу никоҳни илоҳий белги деб атади.
У Ди билан 12/12 куни соат 12:12 да, Ватиканнинг энг қадимий черковида турмуш қурганини айтди. Қизиғи, бу сана унинг туғилган кунидан аниқ 151 кун ўтиб белгиланган. Макгрегор таъкидлашича, “Исо Масиҳ” ва “Конор Макгрегор” исмлари гематрияда бир хил — 151 сонини беради. Бу рақам 151-Забур билан ҳам боғлиқ.
Макгрегорнинг сўзларига кўра, маросим вақти режалаштирилмаган бўлса-да, Ватикан илтимоси билан у айнан 12:12 да бўлиб ўтган. У бу воқеаларни тасодиф эмас, балки Худонинг йўналтириши деб билади.
“Менинг устуворлигим: аввал Худо, кейин хотиним, фарзандларим ва ота-онам”, — деб ёзди Макгрегор.
