UFC жангчиси Арман Тсарукян учун энг муҳим нарса — чемпионлик камарини қўлга киритиш, рақибнинг кимлиги эса иккинчи даражали.
“Менинг идеал рақибим йўқ. Мен шунчаки UFC камарини ютмоқчиман. Умид қиламанки, бу ёзда ёки йил охирида содир бўлади. Жуда интиқлик билан кутяпман”, — деди Тсарукян.
Унинг айтишича, бу яқин орада рўй бериши ҳали аниқ эмас, чунки Илиа Топурия ёзда қайтмаслиги мумкин. Маълумки, дивизион чемпиони Топурия оилавий сабаблар туфайли жангларни вақтинча тўхтатган.
Эслатиб ўтамиз, 25 январь куни енгил вазнда вақтинчалик камар учун Жастин Гейжи ва Педди Пимбблетт ўртасидаги жанг UFC 324 турнирига бошчилик қилади.
