12 yanvardan 13 yanvarga o‘tar kechasi Avstraliyaning Adelaida shahrida o‘tayotgan WTA-500 toifasidagi hard kort turnirining birinchi bosqich uchrashuvi yakunlandi. Unda jahon reytingida 23-o‘rinda borayotgan rossiyalik tennischi Diana Shnayder (9-raqamli saralangan) 22-o‘rindagi kanadalik Leyla Fernandesni mag‘lub etdi — 7:5, 6:3.
Bahs 1 soat 38 daqiqa davom etdi. Shnayder 2 ta eys urdi, 7 ta qo‘sh xatoga yo‘l qo‘ydi va 8 ta breyk-poyntdan 2 tasini amalga oshirdi. Fernandes ham 2 ta eys qayd etdi, 4 ta qo‘sh xato qildi va 3 ta breyk-poyntdan birontasidan foydalana olmadi.
Turnirning ikkinchi bosqichida Diana Shnayder Chexiya vakili Katerjina Sinakova (46) va ukrainalik Dayana Yastremska (27) o‘rtasidagi uchrashuv g‘olibi bilan bahs olib boradi.
