UFC yarim o‘rta vazn chempioni Islom Maxachev Iliya Topuriya bilan jang qilishga tayyorligini bildirdi, ammo faqat bitta shart bilan — Topuriya yuqori vazn toifasiga ko‘tarilishi kerak.
Maxachevning aytishicha, u yengil vaznga qaytmoqchi emas, chunki u bu vaznda allaqachon chempion bo‘lgan va mag‘lubiyatsiz kamarni tark etgan. Agar Topuriya yarim o‘rta vaznga chiqsa, jang bo‘lishi mumkin. Islomga ko‘ra, bu jang ko‘proq Topuriyaga kerak, chunki u yutqazsa ham yana yengil vaznga qaytib, kamarini himoya qila oladi.
Eslatib o‘tamiz, Maxachev 2025 yil may oyida yengil vazn kamarini bo‘shatib, yarim o‘rta vaznga o‘tdi va noyabrda Jek Della Maddalenani mag‘lub etib, yangi divizion chempioniga aylandi. Iliya Topuriya esa 2025 yil iyunida yengil vaznda chempionlik kamarini qo‘lga kiritgan.
