UFC ярим ўрта вазн чемпиони Ислом Махачев Илия Топурия билан жанг қилишга тайёрлигини билдирди, аммо фақат битта шарт билан — Топурия юқори вазн тоифасига кўтарилиши керак.
Махачевнинг айтишича, у енгил вазнга қайтмоқчи эмас, чунки у бу вазнда аллақачон чемпион бўлган ва мағлубиятсиз камарни тарк этган. Агар Топурия ярим ўрта вазнга чиқса, жанг бўлиши мумкин. Исломга кўра, бу жанг кўпроқ Топурияга керак, чунки у ютқазса ҳам яна енгил вазнга қайтиб, камарини ҳимоя қила олади.
Эслатиб ўтамиз, Махачев 2025 йил май ойида енгил вазн камарини бўшатиб, ярим ўрта вазнга ўтди ва ноябрда Жек Делла Маддаленани мағлуб этиб, янги дивизион чемпионига айланди. Илия Топурия эса 2025 йил июнида енгил вазнда чемпионлик камарини қўлга киритган.
