Катта дубулға турнирларининг 20 карра чемпиони, собиқ дунё биринчи рақамли теннисчиси Рожер Федерер испаниялик Карлос Алкараснинг “карера Гранд Слам”ни қўлга киритиш имконияти ҳақида ўз фикрини билдирди. Мазкур ютуқни якунлаш учун Алкарасга фақат Australian Open чемпионлиги етишмаяпти.
“Буни бошдан кечириш осон эмас, аммо биз Карлосинг қандай ўйинчи эканини яхши биламиз. Унинг менталитети — ҳар бир очкони алоҳида ўйнаш. Ростини айтсам, агар у буни карерасининг шунчалик бошида уддаласа, бу ҳақиқий телбалик бўларди”, — деди Федерер (Пунто Де Бреак).
Ҳозирда 22 ёш бўлган Алкарас Катта дубулға турнирларида 6 марта ғолиб чиққан. У “Роланд Гаррос”, “Уимблдон” ва US Open турнирларида икки мартадан чемпионликни қўлга киритган.
Бироқ Australian Openda Алкарас ҳозирча чорак финалдан нарига ўта олмаган.
