«Ливерпул»нинг собиқ бош мураббийи Юрген Клопп яқин орада мураббийлик фаолиятига қайтиш нияти йўқлигини маълум қилди. Унинг айтишича, футбол жамоасини бошқара олиши бу ишни умрининг охиригача давом эттириши шарт дегани эмас.
Клопп Red Bull компаниясида ўзи учун янги ва қулай роль топганини, бу лавозим босқичма-босқич шаклланганини таъкидлади. Ҳозирги ҳолатидан тўлиқ мамнун эканини, янги одамлар билан танишгани, кўплаб бизнес учрашувларда қатнашгани ва ўзи учун янги тажрибалар орттирганини айтди. Унинг сўзларига кўра, бир йил ичида беш йиллик тажрибага тенг билим олган.
Ҳозирда Юрген Клопп Red Bull тизимида футбол йўналиши бўйича глобал раҳбар лавозимида фаолият юритмоқда.
