Мадриднинг “Реал” клуби бош мураббийи Алваро Арбелоа Чемпионлар лигаси 7-турида “Монако” устидан 6:1 ҳисобида қозонилган ғалабадан сўнг футболчиларини юқори баҳолади.
“Мен ъБернабеуъни Винисиусни, Килиан, Жуд ва барча футболчиларни қўллаб-қувватлаётганини кўрдим. Жамоа жуда катта иш қилди. Бу нафақат чиройли голлар, балки улкан меҳнат эвазига қўлга киритилган ғалаба. Беллингемнинг қанча югургани – ақл бовар қилмайди. Феде ва Камавинга ўзларига нотаниш позицияларда ўйнади, аммо аъло даражада ҳаракат қилди. Футболчиларнинг жамоа манфаатини шахсий манфаатдан устун қўйиши мени жуда хурсанд қилади. Бизга айнан шундай жипс ва фидойи жамоа керак”, — деди Арбелоа.
Шунингдек, мураббий иккинчи бўлимда майдонга тушган футболчиларни, жумладан Дани Карвахалнинг қайтиши ва Месо дебютини алоҳида таъкидлади.
7 турдан сўнг “Реал” 15 очко жамғариб, Чемпионлар лигаси жадвалида иккинчи ўринда бормокда.
