Мадриднинг “Реал” клуби бош мураббийи Алваро Арбелоа жамоа ҳужумчиси Винисиус Жуниорга бўлган муносабатини билдирди.
“У бизга юз фоиз керак. Винисиус жамоа учун жуда муҳим футболчи ва мен унинг бахтли, ўйинга жамланган ҳамда футболидан роҳатланиб ўйнашини хоҳлайман. У менинг тўлиқ ишончим борлигини билади — ўзининг барча сеҳрини кўрсатиш учун эркинликка эга. Мен трибуналар унинг томонида бўлганини кўрдим: мухлислар уни қўллаб-қувватлади, исмини ҳайқирди, ҳатто гол ура ёзган вазиятда ҳам қарсак чалди. У учун мухлисларнинг меҳрини ҳис қилиш жуда муҳим.
Винисиус бу ерга жуда ёш келган ва жуда ҳиссиётли футболчи. ъБернабеуъдаги талаблар билан яшаш ҳеч қачон осон бўлмаган. Агар бу стадион мухлисларини бир сўз билан таърифласак — бу адолат. Бугун трибуналар футболчиларнинг меҳнатини: голлар, комбинациялар, фидойилик ва характерини муносиб баҳолади. Биз вазиятни ўзгартиришни мақсад қилгандик ва футболчилар буни энг яхши тарзда уддалади”, — деди Арбелоа.
Маълумот ўрнида, Винисиус Жуниорнинг “Реал” билан шартномаси 2027 йил июнигача амал қилади. Трансфермаркт портали футболчининг бозор қийматини 150 миллион еврога баҳоламоқда.
