“Manchester Yunayted”, “Real” va Angliya terma jamoasining sobiq yarim himoyachisi, hozirda “Inter Mayami” klubi egasi bo‘lgan Devid Bekxem o‘g‘li Bruklinning ijtimoiy tarmoqlardagi shov-shuvli tanqidlariga javob berdi.
“Men ota sifatida farzandlarim xato qilishini tushunaman. Ularga bunday imkon berish kerak — aynan shunday yo‘l bilan ular hayotni o‘rganadi. Ba’zan xato qilishlariga yo‘l qo‘yish juda muhim”, — dedi Bekxem CNBC’ga.
26 yoshli Bruklin Bekxem esa ota-onasi bilan yarashishni istamasligini va ilk bor o‘z huquqlarini himoya qilayotganini aytdi. U otasini tanqid qilib, Devid Bekxemning 50 yilligi munosabati bilan Buyuk Britaniyaga kelganini, ammo uchrashuv faqat uning rafiqasi Nikola Peltts taklif etilmagan taqdirdagina mumkin bo‘lganini ta’kidladi. Shuningdek, Bruklin ota-onasini ijtimoiy tarmoqlarda bloklagani va ular bilan faqat advokatlar orqali muloqot qilishni talab qilgani ma’lum qilindi.
