Angliyaning «Liverpul» klubi sardori Virjil van Deyk Chempionlar ligasi umumiy bosqichining 7-tur uchrashuvi oldidan bosh murabbiy Arne Slotdan uni qachon Xabi Alonso almashtirishi haqida savol bergan jurnalistni keskin tanqid qildi.
“Bu juda hurmatsiz savol edi. Tanqid — o‘yinning bir qismi, buni hammamiz tushunamiz. Ammo, menimcha, aynan shu sababli u jurnalist hozir bu yerda yo‘q. Tanqid — ishimizning ajralmas qismi, biz bunga ko‘nikkanmiz va, rostini aytsam, bu mavsumdagi o‘yinlarimizni inobatga olsak, afsuski, ayniqsa o‘tgan yil bilan solishtirganda, tanqidlar mutlaqo o‘rinli”, — deya van Deykning so‘zlarini Daily Mail keltiradi.
Eslatib o‘tamiz, «Liverpul» ushbu uchrashuvda «Marsel»ni 3:0 hisobida mag‘lub etdi va 15 ochko bilan turnir jadvalida to‘rtinchi o‘rinni egallab turibdi.
