41 ёшли британиялик пойгачи, Формула-1 нинг етти карра чемпиони ва «Феррари» жамоаси аъзоси Люис Ҳемилтон Кино санъати ва фанлари академиясининг «Формула-1» фильмини «Оскар»-2026 мукофотига номзодлар қаторига киритиш қарорига муносабат билдирди. Ҳемилтон ушбу фильмда маслаҳатчи продюсер сифатида иштирок этган.
«Бу ақл бовар қилмас даражада сюрреал ҳолат. “Формула-1” фильмини Академия томонидан номзод сифатида кўрилишини кўриш мен учун катта шараф, айниқса бундай истеъдодли ижодкорлар ва ҳикоячилар қаторида. Биз бу фильмни яратганимизда, қўлимизда ҳақиқатан ҳам ўзига хос, реал ва самимий лойиҳа борлигини ҳис қилгандик. Ҳар бир инсоннинг машаққатли меҳнати ва фидойилиги эътироф этилаётганини кўриш жуда қувонарли. Фильм устида ишлаган барчага алоҳида ҳурмат — бу тўлиқ муносиб!» — деб ёзди Ҳемилтон ижтимоий тармоқларда.
