Angliya Futbol Assotsiatsiyasi «Chelsi» va Ukraina terma jamoasi yarim himoyachisi Mixail Mudrikga oid doping ishi bo‘yicha rasmiy tergovni boshladi. Bu haqda Ukraina nashri «Chempion» xabar bermoqda.
Ma’lumotlarga ko‘ra, jarayon qariyb ikki haftadan beri davom etmoqda va yaqin orada futbolchining kelajakdagi faoliyatiga bevosita ta’sir qiladigan rasmiy qaror e’lon qilinishi kutilmoqda.
Eslatib o‘tamiz, 2024-yil dekabr oyida Mudrikning doping namunasida meldoniy aniqlangan. Ushbu modda taqiqlangan dorilar ro‘yxatiga kiradi. Ungacha futbolchi «Chelsi» safida 73 ta o‘yin o‘tkazib, 10 ta gol va 11 ta assist muallifi bo‘lgan.
Mudrikning so‘nggi rasmiy o‘yini 2024-yil noyabr oyining oxiriga to‘g‘ri keladi. O‘shanda «Chelsi» Konferensiyalar ligasi guruh bosqichida «Xaydenhaym»ni 2:0 hisobida mag‘lub etgan va ushbu bahsda ukrainalik futbolchi gol urgan.
