Saudiya Arabistoni Bosh dam olish va ko‘ngilochar boshqarmasi raisi Turki Al ash-Sheikh yangi postida Las-Vegasdan surat ulashdi. U yerda u UFC prezidenti Dana White va WWE prezidenti Nick Khan bilan uchrashdi.
“Bugun juda baxtliman — Dana va Nik bilan uchrashdim. Ular menga birinchi Zuffa Boxing kamarini sovg‘a qilishdi, u ajoyib brilyantlar bilan bezatilgan. Bu Zuffa uchun katta start. Faqat eng yaxshi sportchilar bu kamarga ega bo‘lish imkoniyatiga ega bo‘ladi”, — deb yozdi Al ash-Sheikh.
Zuffa Boxing — TKO va Saudiya kompaniyasi Sela hamkorligidagi loyiha bo‘lib, asosiy rahbarlari sifatida White, Al ash-Sheikh va Khan faoliyat yuritmoqda. Bu yangi brend boks va ko‘ngilochar sport olamida katta e’tibor qozonmoqda.
