Супероғир вазнда WBA, WBC, IBF ва IBO йўналишлари бўйича амалдаги ва мағлубиятсиз жаҳон чемпиони, 39 ёшли украиналик Александр Усик британиялик машҳур боксчи Тайсон Фюри билан учинчи жанг бўладими?
«Буни инкор қилиб бўлмайди. Бу содир бўлиши мумкин, аммо бунга етиб келишимиз керак. У ҳам хоҳлайди, биламан — мен унинг менежери билан гаплашганман», — деди Усик ўзининг USYK17 YouTube каналига берган интервьюсида.
Эслатиб ўтамиз, Усикнинг сўнгги жанги 20 июль куни Англиянинг Лондон шаҳридаги «Уэмбли» стадионида Даниэл Дюбуа га қарши бўлиб ўтган. Александр бешинчи раундда нокаут эвазига ғалаба қозонган. Бу боксчилар ўртасидаги реванш жанги бўлиб, унда супероғир вазнда мутлақ жаҳон чемпиони унвони ўртага қўйилганди.
