30 ёшли америкалик блогер ва рестлер Логан Паул собиқ жаҳон чемпиони Флойд Майwеатҳер Жр. билан 2021 йилда ўтказилган жанг учун ҳали ҳам 1,5 миллион доллар ололмаганини маълум қилди.
Полнинг айтишича, Мейвезер жанг ҳуқуқларини Яқин Шарқдаги (тахминан Дубай) компанияга 10 миллион долларга сотган, бироқ кейинчалик жанг АҚШда бошқа промоутер томонидан ташкил этилган.
“У менинг иштирокимдаги жанг ҳуқуқларини бир компанияга 10 миллион долларга нақд пулга сотган. Аммо охир-оқибат биз жангни АҚШда бошқа компания билан ўтказдик. У эса аллақачон жанг ҳуқуқларини бошқа томонга сотиб юборган эди.
Биз келишувга кўра мен 15% олишим керак эди, лекин у мени ташлаб кетди. 10 миллион тўлаган компания ҳозир у билан судлашмоқда. Унинг ҳозир жуда кўп юридик муаммолари бор. Очиғи, мен пулимни қачондир олишимга ишонмайман”, — деди Логан Пол The Iced Coffee Hour подкастида.
