FIA Австралия Гранд-приси пит-лайнидаги тезлик чегараси 80 км/соат даражасида қолишини тасдиқлади ва олдин тарқалган 60 км/соатга камайтирилиши ҳақидаги маълумотни рад этди.
Ҳафта бошида мусобақа бошқарувчиси Том Моттрам жамоа сони 11 тага кўпайгани ва пит-лайн жой етишмовчилиги сабабли тезлик вақтинча 60 км/соатга туширилиши мумкинлигини билдирган эди. Бироқ, RacingNews365 FIANing маълумотларига таяниб, бу гап нотўғри эканини ёзмоқда — лимит ўзгармайди.
Аввал ушбу пасайиш стратегияларга таъсир қилиши кутилганди, чунки қўшимча пит-стоплар вақтни кўпроқ олади. Моттрам эса буни бир йилга мўлжалланган вақтинчалик чора деб атаганди.
