Етти карра Формула-1 чемпиони Lewis Hamilton Chinese Grand Prix спринт-квалификацияси якунлари ҳақида фикр билдирди. Scuderia Ferrari ҳайдовчиси ушбу сессияда тўртинчи ўринни эгаллади.
“Сессиядан жуда мамнунман. Муҳандисларим машинани тайёрлаш учун аъло иш қилишди, чунки ягона машғулот менинг айланишим сабаб анча қийин ўтди. Умуман олганда, машина ўзини жуда яхши тутди. Лекин биз тўғри чизиқларда ютқазяпмиз ва айнан ўша ерда кўп вақт йўқотяпмиз.
Олдимизда ҳали кўп иш бор. Биз Маранеллода жуда қаттиқ ишлашимиз керак, чунки қувватни ошириш зарур. Бу муаммо ўтган йилдан бери маълум. Mercedes-AMG Petronas Formula One Team бу йўналишда бошқалардан олдинроқ ишлашни бошлаганга ўхшайди, худди 2014 йилда бўлгани каби. Шунинг учун улар жуда яхши иш қилишди, биз эса фарқни қисқартиришимиз керак.
Машина бурилишларда яхши ишлаяпти, лекин қувват етишмаса, натижа ҳам шунга яраша бўлади”, — деди Хемилтон Sky Спортсга берган интервьюсида.
