Лондоннинг Арсенал клуби бош мураббийи Микел Артета жамоа вингери Букаё Саканинг жамоа муваффақиятларидаги ҳиссасини юқори баҳолади.
“Биз унга тўлиқ ишонамиз ва уни жуда қадрлаймиз. У биз учун ва бу клуб учун қилаётган ишлар унинг ёши учун шунчаки ақл бовар қилмайди. У жамоага жуда катта таъсир ўтказишда давом этмоқда. Унинг кучи ва жамоага бераётган импульси ҳақиқатан ҳам ҳайратланарли”, — деди Артета Арсенал расмий сайтига берган интервьюсида.
Жорий мавсумда Букаё Сака барча мусобақаларда Арсенал сафида 39 та ўйинда майдонга тушиб, 9 та гол ва 7 та голли узатма муаллифи бўлди.
Айни пайтда лондонликлар Премиэр Лига турнир жадвалида 67 очко билан пешқадамлик қилмоқда.
