Дунёнинг иккинчи ракеткаси Ига Свёнтек Хитойнинг Ухан шаҳрида давом этаётган WTA 1000 тоифасига кирувчи нуфузли теннис турнирининг 1/4 финал иштирокчисига айланди.
Полшалик теннис маликаси 1/8 финалда WTA рейтингида 15-ўринда бораётган швейcариялик Белинда Бенчични мағлубиятга учратди – 7/6(2), 6/4. Теннисчиларнинг ўзаро учрашувларидаги ҳисоб Ига фойдасига янада йириклашди – 5:1.
Икки соату 10 дақиқа давом этган баҳсда Свёнтек 8, Бенчич 1 та эйс зарбасини амалга оширди. Қўшхатолар иккала теннисчида ҳам бир хилда бўлди – 2 тадан. Брейклар бўйича Свёнтек устунликка эга – 4 га 3. Энди полшалик теннисчи Wuhan Open 1/2 финал чиптаси учун италиялик Жасмин Паолинига қарши кортга чиқади.
Манба : gotennis
