Португалия ва “Ал-Наср” юлдузи Криштиану Роналду Пирс Морганга берган интервьюсида яқин келажакда фаолиятини тугатишни режалаштираётганини маълум қилди. 40 ёшли футболчи тарихдаги энг муваффақиятли футболчилардан бири бўлса-да, фаолиятининг охири яқинлашаётганини тан олди.
“Тез орада. Ўйлайманки, мен бунга тайёр бўламан. Албатта, қийин бўлади, балки йиғлайман ҳам, лекин шуни биламанки, бу жуда қийин бўлади”, дейди Роналду фаолиятини қачон якунлаш ҳақида саволга жавобан.
Роналду футболни тарк этгач ҳам оиласига ва бошқа қизиқишларига вақт ажратишни режалаштирганини айтди:
“Мен Криштиану Жуниор билан вақт ўтказмоқчиман, чунки у болаликда аҳмоқона ишларни қилади. Матео ҳам футболни яхши кўради. Шунингдек, энг яқин дўстларим билан падел ўйнайман”, дейди у.
Роналду “Манчестер Юнайтед” мухлисларига жамоа натижалари бўйича ҳақиқий мўъжизаларни кутмасликларини айтиб, клубнинг ҳали ҳам ўзгаришга муҳтож эканини таъкидлади.
“Улар яхши йўлда эмас. Бу фақат мураббий ва футболчилар масаласи эмас”, дея қўшимча қилади Роналду.
