Дунёнинг етакчи MMA лигаси — UFC Vegas 112 турниридан сўнг расмий рейтингини янгилади. Янгиланган рўйхатда эркаклар ўртасидаги ўта энгил вазн (flyweight) тоифасида сезиларли ўзгаришлар кузатилди.
Турнирнинг марказий жангида октагонга чиққан португалиялик Манел Кейп АҚШ вакили, рейтингда иккинчи ўринда бўлган Брендон Ройвални муддатидан аввал мағлуб этди. Ушбу ғалабадан сўнг Кейп икки поғона юқорилаб, Ройвал билан ўрин алмашди.
Шунингдек, мексикалик собиқ чемпион Брендон Морено ва ироқлик жангчи Амир Албази ҳам бир поғонадан пастлаб, мос равишда бешинчи ва олтинчи ўринларга тушиб кетди.
Маълумот учун, ушбу вазн тоифасида ҳамюртимиз Рамазон Темиров ҳам фаолият олиб боради. Айни пайтда у дисквалификация муддатини ўтамоқда.
